Thailand

Wenn mir in Thailand sind, dörf en Bsuech in Bangkok nöd fähle! Und mir wohned immer im Mandarin Oriental.

Mir sind au gern in Hua Hin zum Golfe. Der simmer scho zweimal im Hotel Centara gsi. S'letschte mal isch scho e chli Renovationsbedürftig gsi. Als Alternative chönnt mer au s'Hotel Sivana Hideaway Villas näh. Der händ d'Bettina und de Jack au scho gwohnt. 

Und in Khan Lak, hät's euis au sehr gfalle und zwar im The Sarojin, Khao Lak

Für de Fall, dass mir emal für längeri Zyt nach Hua Hin würded ga, hät d'Überbouig "Palm Avenue 4" einigi schöni Villene. Die findet mer under Rosse Immobilien. 

In Bangkok git's neui Reschti. Die sind us em Feinschmecker:

Potong

Sühring

Le Du

Nusara

Gaggan

Dütschland - allgemein

In Münche chammer bi emene nächschte Bsuech is Restaurant "Alois". Der chochet Rosina Ostler. 

Bi emene nächschte Bsuech in Berlin, währed die folgende Reschtis uf de Agenda:

• Restaurant Ernst
• Bar Freundschaft mit Johannes Schellhorn
• Restaurant Grill Royal
• Restaurant Hallmann & Klee (Sarah Hallmann macht Kartoffel, Liebstöckel und Molke)

Im Schwarzwald wämmer emal is Hotel Spielweg mit de Vikotria Fuchs.

Au im Schwarzwald choched d'Douce Steiner und zwar in Sulzburg.

S'nächschte Mal in Stuttgart währed das zwei Restaurants zum Bsueche:

High Fidelity

Gasthaus zur Linde

Brunner (östrrichisches Restaurant)

Bim nächschte Bsuech i de Pfalz isch en Znacht im Irori scho fascht Pflicht. S‘Reschti isch in Knittelsheim.

Zum Golfe im Öschberghof chammer au im Hotel "Die Burg" übernachte. Der hät's es Ei-Stern-Restaurant und d'Zimmer sind au ganz nett. 

E chli usserhalb vo Münche gits no de Gasthof "zum Vaas". Das isch en Empfehlig vo de Franzi.

In Münche hämmer es neuis Restaurant gseh und zwar "Komu". De Choch isch de Christoph Kunz und isch vorher im Alois bim Dalmayr gsi. 

Spanie

San Sebstian

• Restaurant Arzak
• Restaurant Martin Berasategui

Barcelona

Mit sind im Oktober 2022 in Barcelona gsi und zwar mit "The Brown's" und händ i de folgende Restaurants gässe.

• Paco Meralgo  (Tapas eher modern)
• Canete (Tapas klassische Rahmen - wiess deckt)
• Cruix (Menue surprise - einfach himmlisch)
• Agua (am Meer und super feine Fisch)
• Passadais del pep (klassisch - Ambiente bescheide - s'Ässe sehr gut)

Mir sind im Hotel El Avenida Palace in de Beatles Suite gis. Das zwar sehr nett und au sehr lut gsi!

Teneriffa

De Eric Steinhauser hat euis s'Hotel Bahia del Duque empfohle. Grosses und schöns Hotel mit sehr guetem Service und mit es paar Golfplätz in de Nöchi.

Östrriech

In Östrriech gömmer sid 1991 in Seehof. Isch das nöd e tolli Ussicht:

S'Wyguet "Nigl" isch guet 2.5 Stund vom Seehof weg und hät es schöns Hotel.

In Wien git's no die folgende Reschtis, wo mir no nie gsi sind:

- Wurststand "Alles Wurst"

- Aend

- Herzig

- Doubek 

- Gasthaus Grünauer 

- Gasthaus Ubl

- Meissl & Schadn 

- Reznicek

Es super Hotel in Wien isch gemäss "Der Feinschmecker" s'Hotel Rosewood Vienna. Sehr zentral gläge. 

Au in Wien sött mer emal i d'Bäckerei "Metzger & Söhne". Die sind bekannt für Lebkuechepraline. 

I de Nöchi vo Salzburg in Faistenau schaffet de Richy Walkner als Fleisch-Sommelier. Wieteri Informatione git‘s under GustaF.

Für e nächschti Reis in Seehof mit emene Abstächer Richtig Slowenie chönnted mir i d'Winzerai. Die sind vom Wyguet Tement und sind sehr schöni Zimmer!

Oder au uf em Wyguet "Skringer". 

Oder e chli nächer wär de Kirchenwirt Leogang.

Oder i de Nöchi vo Mittersill git's de Weyerhof. 

Und au s'Bergdorf Priesteregg oder s'Rauchkuchl wärd emal en Ufenthalt wert. 

In Bischofshofe gits s'Restaurant "Ackermann" und isch bekannt für s'Backhendl". Das isch en Tipp vo de Franzi. 

Am Traunsee simmer no nie gsi und es hät ganz netti Hotel und Restaurants.

- Bootshaus

- Belétage i de Post am See

I de Steiermark git's verschiedeni Möglichkeite zum bi Winzer z'übernachte. Bi de Fotis hät's e Zämefassig. Und i de Nöchi vo Graz git's s'Hotel "Der wilde Eder" (gseht ganz nett us!),

Uf em Wäg nach Goldegg chönnt mer au emal en Halt in Ebbe mache und zwar im "Unterwirt". 

Am Arlberg chönnted mir au emal is Hotel "Rote Wand". Das isch in Zug (en Ortsteil vo Lech).